Arrestimi i Belerit dhe dita e zgjedhjeve, Meta flet pas takimit me Berishën

Kryetari i Partisë së Lirisë Ilir Meta ka mbajtur një deklaratë për media në përfundim të takimit me ish-kryeministrin Berisha në selinë e Partisë Demokratike.

Akuzat për blerje votash ndaj kandidatit të koalicionit “Bashkë Fitojmë”, Fredi Beleri, Meta i cilësoi sit ë inskenuara. Kreu i PL theksoi se ka qenë kryeministri Rama ai i cili ka realizuar inskenimin që çoi në pranga kandidatin e “Bashkë Fitojmë” për Himarën.

Gjithashtu Meta ftoi strukturat e Partisë së Lirisë që të dyfishojnë përpjekjet që kandidatët e koalicionit opozitar të dali sa më mirë në zgjedhje

“Ka një javë që inskenon një ngajrje kriminale pasi është i tmerruar nga vota e lirë. I bëj thirrje të gjitha strukturave tona, kudo që janë në Himarë por dhe në qarkun e Vlorës të dyfishojnë përpjekjet e tyre, të mbrojnë pronat e tyre, pasi Rama e do Himarën dhe Sarandën, ku ka çuar dikë që s’ka lidhje me qytetin, për të lubrifikuar më tej gjithë atë pastrim parash që ai ka marrë mbi supe të bëjë”, tha Meta.

LEXO GJITHASHTU:

• Arrestimi i Belerit jehonë në Greqi, si u pasqyrua lajmi në mediat fqinje
• Flet gruaja që dëshmoi kundër Belerit: Më premtuan 200 mijë lekë për votën
• Arrestimi i Fredi Belerit, reagon kryeministri Rama