Arrestimi i Goros, Basha: Këta paskan boshatisur pemëtoren, i zoti s’ka parë asgjë?

Kreu i Partisë Demokratike, Lulzim Basha, ka reaguar në lidhje me arrestimin e kryebashkiakut të Himarës, Jorgo Goro.

Përmes një postimi në rrjete sociale Basha akuzon kryeministrin Rama, duke thënë se është ai arkitekti i masakrës së korrupsionit.

“Dmth këta të gjithë paskan ngrënë mollë, kumbulla e dardhë, paskan boshatis të gjithë pemtoren dhe i zoti s’paska parë asgjë?! A ka shqiptarë që e beson këtë?! Sigurisht që jo.

Arkitekti i kësaj masakre korrupsioni, nga koncesionet, tenderat e deri tek pasuritë publike, tokat e shqiptarëve, ka vetëm një emër, Edi Rama.

Të gjitha lidhjet të çojnë tek ai. Hetimi i thelluar dhe pa kursyer askënd është e vetmja rrugë për t’i dhënë fund pandëshkueshmërisë dhe për suksesin e luftës kundër korrupsionit.

Inkurojmë dhe mbështesim pa asnjë rezervë SPAK-un në këtë betejë jetike për vendin”, shkruan Basha.

Kryebashkiaku në detyrë i Himarës u arrestua këtë të shtunë me urdhër të SPAK, nën akuzat për tjetërsim pronash, pas kalllëzimit të kryebashkiakut të zgjedhur të Himarës, Fredi Beleri.

LEXONI GJITHASHTU:

• Arrestohet Jorgo Goro, kryebashkiaku në detyrë i Himarës
• SPAK, njoftim zyrtar për arrestimin e Jorgo Goros: Ka falsifikuar dokumentet