Ish-deputeti demokrat Klevis Balliu thotë se në Partinë Socialiste ka individë të inkriminuar, sikurse ish-kreu i Bashkisë Vorë, Agim Kajmaku i cili u arrestua me 20 kg kokainë në Itali pak javë më parë.

Në emisionin ”Sot” në ”Euronews Albania”, Balliu u shpreh se lidhjet e kryeministrit Edi Rama me organizatat kriminale, vërtetohen çdo 6 muaj në Shqipëri.

”Kur dalin me dhjetëra kajmakë në Partinë Socialiste, duket që është një sistem. Nuk quhet rastësi nëse përsëriten disa herë. Lidhjet e Edi Ramës me organizatat kriminale vërtetohen të paktën një herë në gjashtë apo shtatë muaj në Shqipëri”, tha Balliu.

Sipas tij, Agim Kajmaku ishte një prurje direkte e Edi Ramës, teksa shtoi se kjo përbën lidhjen e politikës me krimin e organizuar që garanton vota.

Agim Kajmaku u arrestua së bashku me nipin e tij rreth dy javë më parë Ascoli. Rreth 20 kilogramë kokainë u gjetën në disa vazo lulesh të cilat ishin blerë nga Kajmaku në Grotomare.

Kjo nuk është hera e parë që Agim Kajmaku ka pasur problem me drejtësinë.

Në kohën kur ai mori drejtimin e Bashkisë së Vorës u vërtetua se kishte fshehur një dënim për falsifikim parash të marrë në Greqi në vitin 2003.

Kajmaku u shkarkua nga detyra dhe u hetua nga prokuroria shqiptare për falsifikimin e formularit të dekriminalizimit duke qënë se nuk e kishte deklaruar dënimin e gjykatës greke.

LEXONI GJITHASHTU

• Pse po hetohet në Shqipëri për Agim Kajmakun? Gazetari sqaron dyshimet

• 20 kg kokainë në vazo me lule, arrestohet ish-kreu i bashkisë Vorë