Arrestimi i vëllait të deputetes së PD, reagon Balla: E keni narkosin brenda

Taulant Balla, kreu i grupit parlamentar të PS-së, gjatë fjalës së tij në Kuvend përmendi rastin e vëllait të deputetes Elda Hoti, i cili së fundmi është arrestuar në Romë me akuzën për trafik droge. Balla shtoi se, ndryshe nga mënyra se si do të vepronte PD-ja në një situatë të ngjashme ndaj një deputeti të PS-së, partia e tij nuk ka ndërmend të bëjë asnjë koment.

“Imagjinoni sikur ngjarja e ndodhur ndaj familjarëve të një deputeteje të PD t’i kishte ndodhur njërit prej PS. Ju do të kishit ardhur këtu, do të kishit bllokuar foltoren, do të bërtisnit ‘në burg, arrestojeni’! Është grup i strukturuar kriminal se vëllai dhe motra. Ç’punë ka motra me çfarë bën vëllai, në kuptimin e ligjit? Nuk keni për të dëgjuar asnjë deklaratë nga ne kështu. Se na doli narkosi, vëllai i Elda Hotit. Nuk do të bëjmë ne asnjë deklaratë, as për rastin në fjalë, meqë narkosin paskeni brenda shtëpisë tuaj”, tha Taulant Balla.