Arrestohen turistët në Dhërmi, kishin krijuar grupin e shpërndarjes së drogërave

5 shtetas të huaj, turistë në Dhërmi, janë arrestuar nga Policia e Shtetit pasi merreshin me shpërndarjen e drogërave të forta.

Në pranga kanë përfunduar shtetasit:

-T. G., 28 vjeçe, shtetase spanjolle;

-C. M., 28 vjeç, shtetas brazilian;

-Y. I., 32 vjeçe, shtetase argjentinase;

-R. D., 40 vjeç, shtetas argjentinas;

-N. M., 27 vjeç, shtetas italian.

Gjatë kontrollit fizik dhe kontrollit të ambienteve ku këta shtetas ishin akomoduar, shërbimet e Policisë gjetën një sasi lënde narkotike të llojit GHB (Gamma-hydroxybutyrate), të ndarë në 160 doza, 30 doza Poppers, 49 doza ekstazi, 2 doza MDMA, 18 doza kokainë dhe 3 doza kanabis, të cilat u sekuestruan në cilësinë e provës materiale, së bashku me 5 aparate celulare.

Gjithashtu, shërbimet e Policisë gjetën dhe sekuestruan edhe 2 610 pesos (monedha argjentinase), 340 euro dhe 400 dollarë, të dyshuara të përfituara nga shitja e lëndëve narkotike.

Materialet procedurale i kaluan Prokurorisë, për veprime të mëtejshme hetimore..

“Nga veprimet hetimore dyshohet se këta 5 shtetas kishin ardhur si turistë në Dhërmi dhe në bashkëpunim me njëri-tjetrin, shpërndanin lëndë narkotike në doza, në këtë zonë bregdetare, kryesisht për turistët e tjerë, në lokalet e natës dhe në aktivitetet e ndryshme të argëtimit që zhvillohen në bregdet, gjatë sezonit turistik”, njofton policia.

LEXONI GJITHASHTU:

• Vrau me sende të forta shqiptarin në Gjermani, arrestohet në Tiranë 34-vjeçari
• I shpallur në kërkim për vrasjen e 4-fishtë në Velipojë, arrestohet në Itali autori