Arrestohet 24-vjeçari në Durrës, u kap në flagrancë me doza kanabisi gati për shitje

Një 24-vjeçar është arrestuar nga Policia e Durrësit, pasi dyshohet se është i përfshirë në aktitivetin e paligjshëm të tregtimit të lëndëve narkotike me doza të vogla.

Shtetasi Erald Koliqi, u arrestua në flagrancë gjatë një operacioni të realizuar nga Sektori për Hetimin e Narkotikëve dhe Forca e Posaçme “Shqiponjat”.

Gjatë kontrollit, shërbimet e Policisë gjetën dhe sekuestruan një sasi të konsiderueshme lënde narkotike të llojit kanabis sativa, të ndarë në doza të gatshme për shpërndarje, si dhe dy aparate celularë.

I dyshuari është vënë në pranga dhe materialet procedurale i kaluan Prokurorisë për veprime të mëtejshme.

“Si rezultat i informacioneve të marra në rrugë operative, për një tjetër rast të shitjes së lëndëve narkotike në lagjet e qytetit të Durrësit, Sektori për Hetimin e Narkotikëve, në bashkëpunim me Forcën e Posaçme “Shqiponjat”, në kuadër të operacionit policor të koduar “Neighborhood”, arrestuan në flagrancë shtetasin E. K., 24 vjeç, banues në Durrës”, thuhet në njoftimin e policisë.

LEXONI GJITHASHTU:

• Shpërndante kokainë në kryeqytet, arrestohet 28-vjeçari, i gjendet kanabis në banesë
• I njohur si bosi i kokainës, Dritan Rexhepi ekstradohet sot nga Turqia