Arrestohet 34-vjeçari që organizonte lojëra fati në lokalin e tij

Një 34-vjeçar është arrestuar në Tiranë, pasi ushtronte aktivitetin e kundërligjshëm të lojërave të fatit në lokalin e tij.

Në kuadër të opraciionit policor të koduar “Gaminator 2”, u bë i mundur arrestimi i shtetasit I.T nga Komisariati i Policisë Nr. 4.

Gjatë kontrollit të ushtruar në lokalin në administrim nga ky shtetas, në rrugën “Muhamet Deliu”, shërbimet e Policisë gjetën dhe sekuestruan  në cilësinë e provës materiale dy makineta që shërbejnë për lojërat e fatit.

34-vjeçari akuzohet për veprat penale “Organizimi i lotarive të palejuara” dhe “Vënia në dispozicion e lokaleve për lojëra të palejuara”.

LEXONI GJITHASHTU

• Organizonte lojëra fati në lokalin e tij, arrestohet 31-vjeçari