Arrestohet 35-vjeçari, kërcënoi një person për t’i marrë 400 mijë lekë

Policia e Elbasanit ka arrestuar një 35-vjeçar pasi kërcënonte një qytetar për dhënien e 400 000 lekëve të rinj.

I riu me iniciale E.B, u kap në flagrancë, mbi të cilin rëndon akuza “Shtrëngimi me anë të kanosjes ose dhunës për dhënien e pasurisë”.

Përveç parave policia i sekuestroi të riut një celular dhe biçikletën me të cilën lëvizte.

Në bashkëpunim me Prokurorinë pranë Gjykatës së Rrethit Gjyqësor Elbasan, vijon puna për zbardhjen dhe dokumentimin e plotë të këtij rasti, si edhe për identifikimin e personave të tjerë të përfshirë në këtë veprimtari kriminale.

Materialet procedurale i kaluan Prokurorisë pranë Gjykatës së Shkallës së parë Elbasan, për veprime të mëtejshme.

LEXONI GJITHASHTU:

• Varësitë që shkatërrojnë jetën, llojet nga të cilat rrezikojmë të prekemi
• Opozitari rus dënohet me 8.4 vite burg, pasi kritikoi luftën e Kremlinit në Ukrainë
• SHBA dënon incidentet e dhunshme në veri të Kosovës