Një 52-vjeçar është arrestuar në Këlcyrë pasi policia, pas dyshimeve për armëmbajtje pa leje, ka gjetur një kallashnikov në banesën e tij.
“Pas kontrollit të kryer në bazë të inteligjencës policore, u godit një rast i armëmbajtjes pa leje, ku u sekuestrua një armë zjarri kallashnikov, e cila ishte e mbushur me municion luftarak.
Policia e Përmetit, ushtroi kontroll në banesën e shtetasit K. L., në fshatin Toshkëz, Këlcyrë, ku dyshohej për armëmbajtje pa leje. Gjatë kontrollit, u gjet armë zjarri kallashnikov me municion që ky shtetas e mbante pa leje.
Në përfundim të veprimeve, shtetasi K. L., 52 vjeç, u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese dhe i municionit.”
Materialet procedurale iu kaluan Prokurorisë pranë Gjykatës së Shkallës së Parë Gjirokastër për veprime të mëtejshme”, thuhet në njoftimin e policisë.
LEXONI GJITHASHTU:
- Vjedhje me mashtrim dhe thyerje, dy persona të proceduar në Sarandë dhe Vlorë
- Dhurata e veçantë që Zelensky kishte marrë me vete për Trump
