Arrestohet kandidati i “Bashkë fitojmë” në Himarë, Fredi Beleri
Kandidati i koalicionit “Bashkë fitojmë” për Himarën, Fredi Beleri është arrestuar nga policia pas mesnatës së djeshme.
Beleri dyshohet se akuzohet për blerje votash. Ai ndodhej në brendësi të restorantit të tij në Himarë kur u shoqërua në polici me forcë.
Fredi Belerin e kanë shoqëruar efektivë të policisë së Vlorës në drejtim të komisariatit të Himarës, më pas ai u transferua në komisariatin e Vlorës. Simpatizantë të shumtë u mblodhën në përkrahje të tij para komisariatit të Himarës.
Bashke me Belerin janë shoqëruar dhe dy persona të tjerë. Njëri prej personave që bën pjesë në shtabin e Fredi Belerit i shoqëruar ishte me probleme në zemër, dhe disa orë pas shoqërimi i tij në polici është thirrur ambulanca që e ka çuar drejt spitalit pasi ka shfaqur probleme.
Pas tre orësh nga shoqërimi është liruar avokati i Fredi Belerit si dhe njeri prej të shoqëruarve. Gjithashtu, prej orësh vijon të mbetet në qeli kandidati Beleri.
Mbrëmjen e djeshme kryeministri Edi Rama e ka akuzuar Fredi Belerin për tentativa për manipulim të votave dhe se ka angazhuar njerëz për të kërcënuar emigrantët shqiptarë në Greqi që të votojnë për të më 14 maj.
Rama foli edhe me emra kur tha se 2 personat që po kërcënojnë emigrantët se do iu grisin letrat greke janë Napolon Çakalli dhe Spiro Koka, të cilët i paralajmëroi se do merret personalisht me ta.
Reagimet e ashpra për Fredi Belerin kanë ardhur nga shumë krah politikë dhe jo vetëm pasi në një deklaratë të tijën për mediat greke tha se do të helenizojë Himarën në rast se do të zgjidhet në krye të bashkisë më 14 maj.
LEXONI GJITHASHTU:
Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve
Ali Ahmeti për protestën në Tiranë: Shqipëria po merr goditje të forta në turizëm dhe ekonomi
E rëndë në Kavajë, u godit me thikë nga vëllai, humb jetën një person
- 22:38 Meloni: Udhëheqësit evropianë duhet të forcojnë komponentin evropian të NATO-s
- 22:35 Protestat në Tiranë, Gjyli: Mendimi ndryshe po përballet me linçim në rrjete sociale
- 22:33 Karamuço: Është premtuar një dosje për prapavijat e protestës, do bëhet publike
- 22:24 Analisti Lita: Protestat në Tiranë do të vazhdojnë deri në mbylljen e tranzicionit
- 22:09 “Vajza e maskuar që hoqi flamurin izraelit”, Karamuço: E stërvitur, hyri nga Shtëpia me Gjethe…
- 21:50 Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve