Policia e Stambollit ka arrestuar Liridon Rexhepin, të cilin Organizata Kombëtare e Inteligjencës Turke (MIT) e identifikoi si kreun e rrjetit financiar të Mossad në Turqi.

Sipas mediave turke, Rexhepi dyshohet se ka menaxhuar operacionet financiare të agjencisë izraelite të inteligjencës Mossad në Turqi.

Gjithashtu u zbulua se, nën udhëzimet e shërbimit të inteligjencës izraelite, Rexhepi ka kryer përgjime me dron dhe operacione kundër politikanëve palestinezë.

Rexhepi  kishte transferuar fonde agjentëve në terren në Turqi, të cilët po mblidhnin inteligjencë mbi Sirinë.

Aktivitetet e tij, duke përfshirë edhe transaksionet e dyshimta në llogaritë e tij, monitoroheshin nga MIT.

Hetimi përcaktoi se ai transferoi shuma të konsiderueshme parash përmes Western Union tek agjentët në terren në Turqi.

Aktivitetet e tij ishin gjurmuar që nga hyrja e tij në vend më 25 gusht.

Rexhepi, i cili u ndalua më 30 gusht nga MIT dhe Policia e Stambollit, pranoi se kishte transferuar para.

LEXONI GJITHASHTU:

• Irani ekzekuton katër persona nën dyshime se ishin spiunë të Mossadit
• Të dyshuar për lidhje me Mossadin e Izraelit, arrestohen 15 persona në Turqi