Arsenal armësh e municionesh në banesë, arrestohet 21-vjeçari në Mat

Një 21-vjeçar është arrestuar nga Mat, pasi kishte fshehur një arsenal armësh dhe municionesh në banesën e tij.

Në kuadër të operacionit të koduar “Weapons” u vu në pranga shtetasi R. R., 21 vjeç, banues në fshatin Karicë, njësia administrative Baz dhe nisi procedimi penal për babanë e tij shtetasin H. R., 56 vjeç.

“Si rezultat i informacioneve të siguruara nga inteligjenca policore, për një 21-vjeçar që posedonte pa leje, në banesën e tij, armë zjarri dhe municion luftarak, shërbimet e Policisë kanë ndërhyrë menjëherë në këtë banesë dhe si rezultat kanë gjetur të fshehura: 1 kallashnikov, 3 armë gjuetie, 1 armë zjarri pistoletë, 114 fishekë dhe 2 kapuça në formë maske, të cilat u sekuestruan në cilësinë e provës materiale”, bëri me dije policia.

LEXONI GJITHASHTU:

• Serbia merr një tjetër sasi armësh nga Rusia
• Studente për ekonomi, si 19-vjeçarja vrau dhe groposi babain. Dyshimet mbi nënën