Artan Grubi: Nuk është më tabu që kryeministri i RMV të jetë shqiptar

Zëvendëskryeministri i Maqedonisë së Veriut Artan Grubi tha se arritjet e shqiptarëve në RMV janë të padiskutueshme duke nisur nga gjuha zyrtare deri te përfaqësimi në institucione.

Në fjalën e mbajtur në mbledhjen e përbashkët mes dy qeverive, asaj të Shqipërisë dhe Maqedonisë së Veriut Grubi, u shpreh se tashmë nuk është më tabu që kryeministri i RMV të jetë shqiptar.

Grubi foli për 3 marrëveshjet e propozuara mes 2 shteteve, ku përfshihet hapja e një vendkalimi të ri kufitar mes dy vendeve, hekurudha Shkup-Durrës dhe Porti i Thatë në Strugë që do të lidhet me Portin e Durrësit.

“Nuk është tabu që kryeministri të jetë shqiptar. Me Shqipërinë nuk kemi asnjë çështje të hapur, por kemi marrëdhënie bilaterale. E para, hapja e një vendkalimi të ri kufitar mes dy vendeve, formimi i komisionit të përbashkët që do përcaktojë vendndodhjen e rrugëve, llojet e ngarkesave dhe udhëtarëve, ka të bëjë me 2 autostradat tona në Korridorin 8. E dyta, hekurudha Shkup-Durrës, dhe e treta që është nismë e Ramës, bëhet fjalë për Portin e Thatë në Strugë. Falënderoj kryeministrin Rama që na mundësoi qasjen e një vendi pa det në portin e Durrësit dhe vetëm në këtë mënyrë zhvillohen marrëdhëniet vëllazërorë”, tha Grubi.

LEXONI GJITHASHTU:

• Marrëveshjet që pritet të firmosen sot në Shkup mes dy qeverive
• Rama i drejtohet BE-së: Na përfshini më shumë në ‘luftën’ kundër rritjes së çmimeve