Kryeministri Edi Rama u pyet gjatë konferencës së fundvitit me gazetarët dhe në lidhje me bisedat e publikuara nga përgjimet e SKY ECC, ku dyshohet se gazetari Artan Hoxha gjatë një debati televiziv më të i publikoi një foto me Ardjan Çapjan, për llogari të një bande tjetër kriminale.
Rama tha se nuk ka dëshirë të komentojë bisedat e dala nga përgjimet e kriminelëve të cilët i cilësoi me fjalën “llum”.
Shefi i qeverisë tha se rasti në fjalë nuk është asgjë nga ajo që ai ka parë këto vite në politikë, ku njerëz në parlament dhe media e sulmojnë ashpër dhe pastaj i dërgojnë mesazhe se “kështu e ka politika”.
“Unë nuk i përgjigjem pyetjeve që burojnë nga llumi që rrjedh nëpër ato ulluqet e atyre sistemeve telefonike të kriminelëve. Unë as nuk i afrohem. Dikush më çonte mesazh për një analist i krimit që më pati nxjerrë një foto të një njeriu në kërkim, ndërkohë që çfarë kam parë, dëgjuar e kuptuar në këto vite ka të tjerë që janë “ohu” “ku e ku” me atë person, që dalin në parlament e nëpër media e bëjnë namin dhe pastaj më çojnë mesazhe se kështu e ka politika”, tha.
LEXONI GJITHASHTU:
- Rama: Shqipëria do të mikpresë samitin e NATO-s në vitin 2027
- Rrjetet online, kush janë qytetet ku Rama e Berisha kanë mbështetësit më të zjarrtë
