Arti në zi, reagimet pas vdekjes së Tina Turner

“Mbretëresha e rock and roll”, “mishërim i pasionit dhe fuqisë”, “një legjendë”, kështu reaguan artistët botërorë dhe fansat pas lajmit se artistja Tina Turner u nda nga jeta në moshën 83-vjeçare.

Presidenti Joe Biden, familja Obama  po ashtu vlerësuan figurën e këngëtares e cila u shua një natë më parë në shtëpinë e saj në Zvicër. E lindur në Tenesi dhe e rritur në kishë, Tina Turner u bë e famshme në vitet 1960 përmes zërit të saj dhe muzikës rock and roll.

“Një legjendë totale. Ne kemi humbur një nga interpretueset më emocionuese dhe elektrizuese të botës”, shkroi në Twitter Elton John

Mich Jagger, i cili bëri duet me Tina Turner në 1985, shkroi se ishte shumë i pikëlluar për vdekjen e shoqes së tij të mrekullueshme.

“Ajo ishte vërtet një interpretuese dhe këngëtare jashtëzakonisht e talentuar”, shkroi ai.

Shumë këngëtarë të tjetër shprehën dhimbjen për ndarjen nga jeta të artistes. Tina Turner është një nga këngëtaret më të dashura të rock-ut, e njohur për karizmën e saj në skenë. Këngët e saj janë kthyer gjithmonë në hite duke shitur më shumë se 180 milionë albume në mbarë botën. Fansa të shumtë dërguan lule e kryen homazhe pranë shtëpisë së saj në Zvicër për të nderuar një ikonë të muzikës.

LEXONI GJITHASHTU:

• Humbi jetën në moshën 83-vjeçare, zyrtarë të lartë reagime për vdekjen e Tina Turner
• Ndërron jetë këngëtarja e njohur Tina Turner