Asgjësohen 140 bimë kanabis në Krujë, arrestohet 1 person, në kërkim djali i tij

Në kuadër të megaoperacionit policor anti-kanabis të koduar “Territor i pastër”, është arrestuar një person ndërsa është shpallur në kërkim një tjetër.

Policia bën me dije se në fshatin Fushë Thumanë në një banesë janë gjetur dhe asgjësuar 140 rrënjë bimë kanabis.

Në pranga u vu shtetasi V. Xh., si dhe u shpall në kërkim djali i tij, shtetasi B. Xh., për të cilin vijojnë kërkimet, me qëllim lokalizimin dhe kapjen.

Megaoperacioni policor antikanabis i koduar “Territor i pastër”, vijon.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU: 

• 1 qershori, dhjetëra aktivitete nga bashkitë në juglindje për festën e fëmijëve 
• Përmbyllet “Defender Europe ’23” në Shqipëri, Peleshi: Dha mesazhin e unitetit