Asgjësohen 304 bimë narkotike, arrestohet 1 person, në kërkim 1 tjetër

304 bimë narkotike kanabis janë gjetur dhe asgjësuar këtë të martë në Krujë, në lagjen Micjon, të Borizanës. Ndërkohë është arrestuar si i dyshuar për këtë vepër kriminale 60-vjeçari me inicialet S.D., ndërsa është shpallur në kërkim 49-vjeçari me inicialet K.D.

Kjo ishte faza e 24-t e megaoperacionit “Territor i pastër”, në kuadër të të cilit janë asgjësuar deri më tani 12.663 bimë kanabis.

Njoftimi i policisë:

Shërbimet e Komisariatit të Policisë Krujë kanë vijuar intensivisht kontrollet në fshatra të ndryshme të rrethit, me qëllim parandalimin dhe goditjen që në fazë fillestare, të tentativave për të kultivuar bimë narkotike.

Si rezultat i kontrolleve të ushtruara në kuadër të fazës së 24-t të megaoperacionit policor antikanabis të koduar “Territor i pastër”, në lagjen Micjon, në fshatin Borizanë, u gjetën të kultivuara 304 bimë të dyshuara narkotike cannabis sativa, të cilat u asgjësuan me anë të djegies.

Në vijim të veprimeve u arrestua njëri prej autorëve të dyshuar të kësaj veprimtarie kriminale, shtetasi S. D., 60 vjeç, si dhe u shpall në kërkim bashkëpunëtori i tij, shtetasi K. D., 49 vjeç, të dy banues në Borizanë.

Megaoperacioni policor antikanabis i koduar “Territor i pastër”, vijon.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU:

• “Jam e vetmja që nxjerr të ardhura në familje”- Alma Kaçi kërkon lirinë në Apel
• “Të gjendet dialogu”, Rutte flet nga Prishtina: Të drejtat e njeriut të rëndësishme