“Asnjë lojtar nga kampionati shqiptar në Kombëtare”, Jupi: S’prodhojmë talente

Ish-futbollisti i Kombëtares Redi Jupi komentoi në Euronews Albania mendimin e qytetarëve lidhur me idenë e një Kombëtareje të përbashkët mes Shqipërisë dhe Kosovës.

Jupi u shpreh se aktualisht në Kombëtare nuk ka asnjë lojtar nga kampionati shqiptar i futbollit.

“E dimë sa lojtarë janë nga Kosova, sa nga Shqipëria, sa nga RMV. Kemi shumë pak lojtarë nga kampionati shqiptar që luajnë në Kombëtare, ose më saktë asnjë. Mua më intereson sa jemi ne të aftë që ajo e shkuar në Evropë të mbështetet edhe nga kjo lëvizje e brendshme. Do doja shumë që të ishim të aftë të prodhonim talente, fakti është që shumë lojtarë nuk janë formuar këtu brenda”, tha Jupi.

LEXONI GJITHASHTU:

• Një Kombëtare e përbashkët Shqipëri-Kosovë, mendimi i qytetarëve sipas Barometrit
• Kujt i dedikohet suksesi i kombëtares shqiptare?! Basha: Nuk ka qenë fati por…