Ataku kardiak, doktori shpjegon si jepet ndihma e parë: Minutat, shumë të vlefshëm

Kardiologu, Indrit Temali i ftuar në emisionin “Review” me Greta Topjana në Euronews Albania ka folur lidhur me ndarjen nga jeta pas një arresti kardiak të këngëtarit Shpat Kasapi. Temali gjatë fjalës së tij ka kërkuar ndërgjegjësim dhe që të shtohen programe në shkolla që të rinjtë të informohen lidhur me rrezikun e arrestit kardiak dhe sesi të japin ndihmën e parë.

Ai theksoi se rastet janë shtuar vitet e fundit tek të rinjtë dhe se duhen kryer kontrolle për të parandaluar një tragjedi në moshë të re. Sipas tij ndihma e parë është vendimtare nëse i jepet në kohë pacientit.

“Atak kardiak ka të bëjë më infarktin e miokardit që ndodh nga bllokimi i një prej arterieve koronare të zemrës. Infarkti është një situatë e rrezikshme për jetën por domosdoshmërish vdekejeprurës.

Arresti kardiak vjen  nga pushimi i zemrës si pasojë e anomalive elektrike, aritmive ventrikulare ose e pushimit elektrike të zemrës. Dhënia e ndihmës së parë kardiake, ranimi i kardiokulmonar duhet të mësohet nga të gjithë, duket të mësohet në shkolla. Ne mësojmë të gjitha ato aftësi por nuk mësojmë sesi të shpëtojmë një jetë.

Duhet të jetë një defliburator, kjo pajisja që starton zemrën më goditje elektrike duhet të shpërndahet me tepër. Sado ti japësh ndihmë me masazh kardiak dhe frymëmarrje të jashtme nuk e shpëton dot. Ka rëndësi që ndihma e parë duhet të jepet nga personi që është pranë pasi minutat janë shumë të vlefshme, truri për 8 minuta del jashtë loje. Edhe mund të kthehet por është vegjetative dhe nuk ka vlerë”, tha ai.

LEXONI GJITHASHTU:

• Kievi: Bisedimet e paqes me SHBA-në filluan mirë dhe në një atmosferë të ngrohtë
• Planet për paqen, Zelensky bisedë telefonike me Rutte dhe Von der Leyen