Atentati në Greqi| 51 vjeçari kushëri i Sadikaj, mik me vrasësit e Edmond Papës

Adriatik alias Andrea Kalemi, është 51-vjeçari shqiptar i cili mbeti i plagosur rëndë në ishullin e Paxos në Greqi.

Teksa mediat greke e cilësojnë atentatin si një larje hesapesh, mësohet se Kalemi është djali i dajës së Aleksandër Sadikajt, të riut të vrarë me tritol në 11 qershor të vitit 2022 në Tiranë.

Emri i Kalemit doli gjithashtu dhe në vrasjen e biznesmenit Edmond Papa te Komuna e Parisit, pasi ai ishte lidhje e ngushtë e Albano Velos dhe Andrew (Ervin) Bode, personat e përfshirë në vrasje, i pari në rolin e vëzhguesit i dyti në rolin e ekzekutorit.

Familjarët e Aleksandër Sadikaj, dyshohet se kanë pasur dyshime të vazhdueshme se vrasja e 27-vjeçarit është organizuar në qytetin e Sarandës, duke e lidhur me biznesmenin Edmond Papa.

Gjithashtu emri i Kalemit del dhe një ngjarje të ndodhur në vitin 2001 në Belgjikë, ku ai së bashku me të vëllanë, kanë qenë të dyshuar për vrasjen e dy vëllezërve shqiptarë.

Mediat greke shkruajnë se 51-vjeçari kishte hyrë në Greqi përmes pikës kufitare të Kakavijës më datë 5 gusht

Ai kishte shkuar në ishullin grek për të kaluar pushimet me familjen e tij, kur mbrëmjen e djeshme u qëllua me 10 plumba nga një person në portin e Lakas.

Pas marrjes së ndihmës së parë mjekësore, shqiptari u transportua me traget drejt Igumenicës, e më pas drejt janinës, ku po merr kujdesin e nevojshëm mjekësor.

LEXONI GJITHASHTU:

• EMRI| Ishte me pushime me familjen, shqiptari qëllohet me 10 plumba në ishullin grek
• Babë e bir bien në pranga, transportonin dhe magazinonin mallra të kontrabanduara