Atmosfera nga dita e dytë e panarit të librit, ja çfarë botimesh zgjedhin të rinjtë

Atmosfera në Pallatin e Kongreseve edhe në ditën e dytë të panairit të 28 të Librit vijoi të ishte plot gjallëri.

Lexues të të gjitha moshave, vizituan stendat ndërsa u takuan me shkrimtarë të njohur si dhe morën pjesë në diskutimet letrare dhe prezantime të veprave më të fundit.

Ndryshe nga vitet e tjera këtë vit, ka pasur një rritje të numrit të lexuesve të rinj, ndërsa këto të fundit preferojnë botimet e huaja.

Sfida për botuesit mbetet teknologjia ndërsa shtojnë se lexuesit më të shumtë janë të moshave 40-vjeç. Botuesit këtë vit sollën tituj të rinj në fusha të ndryshme nga letërsia artistike, tek historia, psikologjia dhe letërsia për fëmijë.

Panairi do të vazhdojë edhe gjatë ditëve në vijim, ndërsa me 15 nëntor do të mbahet dhe ceremonia e ndarjes së çmimeve.