Audio-përgjimi për 21 janarin, analisti Islami: Qeveria kërkon të gjejë një alibi

Analisti Bedri Islami thotë se qeveria kërkon të gjejë një alibi për ngjarjen e 21 janarit, pas publikimit të një audioje, ku ish-komandanti i Gardës së Republikës, Ndrea Prendi u jepte urdhra dhe udhëzime vartësve të tij.

Në një intervistë për Euronews Albania, Islami u shpreh se qeveria socialiste mund të bënte më shumë për këtë çështje, por nuk ka dashur.

“Qeveria ka dy gjëra. Së pari, qeveria nuk mund të ndërhyjë në sistemin e drejtësisë. Sado që duket e pabesueshme sidomos në një shtet si i yni, ku qeveria shpeshherë bën ligjin edhe në drejtësi, fakti është se në këtë periudhë, shumë gjëra kanë qenë të mbyllura në një rreth vicioz. Dënimet u dhanë në një periudhë kur qeveria e tanishme ishte në opozitë. Shumë gjëra u quajtën të mbyllura.

Filloi procesi i vetitngut, duheshin prokurorë të aftë. Dua të shikoj anën e mirë të kësaj çështjeje, anën pozitive, atë sikur qeveria ka pasur dëshirë ta bëjë këtë, por nuk ka mundur. Vazhdoj të jem i mendimit se ka mundur ta bëjë më përpara. Mendoj se kanë gjetur një alibi për ta ngritur çështjen tani dhe kjo është dalja e disa përgjimeve të reja. Dalja e këtyre përgjimeve të reja, e bën të domosdoshme lëvizjen e qeverisë. Nuk e di sesa seriozisht e kanë”, theksoi ai.

LEXONI GJITHASHTU

• A do hetohen Berisha dhe Rama për 21 janarin? Analisti bën deklaratën e fortë
• Trondit analisti: 14 shtatori i vitit 1998, më i rëndë se 21 janari
• Nard Ndoka zbulon takimin me Aleks Nikën në 21 janar: E njoh edhe xhaxhain e tij