Autoblinda, eksploziv dhe municion luftarak, ekspozohen armët e gjetura në Banjskë

Policia e Kosovës ka ekspozuar për mediat armatimin e gjetur në manastirin e Basnjkës, ku terroristët serbë u fshehën pas sulmit ndaj policisë së Kosovës.

Gazetari Kosovë Gjoci pasqyroi nga Mitrovica, armatimin e ekspozuar, por dhe mjetet me të cilat lëviznin sulmuesit.

Ajo që bie në sy është se makinat dhe autoblindat kishin mbishkrimin KFOR, për të kamufluar dhe lëvizjen e tyre në brendësi të territorit të Kosovës.

Gjoci tha se mes armatimeve të sekuestruar përfshijnë qindra armë të llojeve dhe kalibrave të ndryshëm, uniforma dhe pajisje logjistike, përfshirë armë ushtarake të kalibrit të rëndë si granata, mitralozë dhe kallashnikov.

Sipas tij ky armatim është më i madh se 30 apo 40 persona që dyshohet se u përfshinë në sulmin e të dielës.

“Për aq sa na është thënë bëhet për fjalë për një grup nga 30 deri në 40 persona. Por ëllimi i armatimit që është kapur është për një numër shumë më të madh perosnash. Ka një numër shumë të madh armësh, municionesh, ekplozivësh dhe uniforma ushtarake. Ka mjete që i përkasin ushtrisë, përfshirë dhe dronë dhe dylbi”, tha Gjoci.

LEXONI GJITHASHTU: 

• Vdekja e policit në Kosovë, nënkryetari i Listës Serbe dyshohet si pjesë e sulmuesve
• Zveçla: Plani i Vuçiç dështoi, me armët u gjetën dhe hartat e organizimit të sulmit