Zveçla: Plani i Vuçiç dështoi, me armët u gjetën dhe hartat e organizimit të sulmit

Ministri i Brendshëm Xhelal Zveçla ka dalë në një deklaratë për mediat ndërsa janë ekspozuar dhe armë e gjetura ditën e djeshme në Veri të Kosovës.

Teksa e cilësoi sulmin e djeshëm si terrorist, Zveçla u shpreh se plani i presidentit serb Aleksandër Vuçiç për të destabilizuar sigurinë në Kosovë, dështoi.

Mes të tjerash ai ka theksoi se përveç armëve u gjetën dhe harta, që sipas tij tregojnë organizimin e e një sulmi më të detajuar dhe më të gjerë, i cili u parandalua.

Sipas ministrit armatimi i sekuestruar ishte i bollshëm për qindra persona.

“Policia jonë e ballafaquar me një sërë sulmesh mirë të organizuar nga persona të maskuara që nuk ishin civilë, por të ishin njësi të financuara dhe mbështetur politikë nga Serbia. Ata individë kanë pasur dhe mjete të rënda që kanë zhvilluar operacionin e tyre. Plani i tyre i dhënë nga Vuçiç për të përshkallëzuar situatën e sigurisë në vendin tonë tashmë ka dështuar. Asjnjë person civilë nuk është lënduar nga ky sulm. Janë 6 terroristë që janë në spital dhe po marrin ndihmën mjekësore. Përveç armëve janë gjetur dhe harta dhe plane të cilat tregojnë për organizmin e gjatë të mirëmenduar dhe të bashkërenduar. Këtu nuk kemi të bëjmë me grupe lokale por me organizim terroristë që është organizuar nga Beogradi”-tha ai.

LEXONI GJITHASHTU: 

• Autoblinda, eksploziv dhe municion luftarak, ekspozohen armët e gjetura në Banjskë
• Daçiç: Serbët në Kosovë të qëndrojnë të qetë, do bëjmë gjithçka për ruajtjen e paqes