Automjeti përplas këmbësoren në vijat e bardha, e moshuara dërgohet me urgjencë në spitalin e Korçës

Një aksident ka ndodhur pak orë më parë në zonën e stadiumit “Skënderbeu” në Korçë. Sipas informacioneve paraprake bëhet e ditur se një automjet tip “Benz” ka përplasur një këmbësore, e cila është dërguar në spital për të marrë ndihmën e nevojshme mjekësore.

Sipas raportimeve, e moshuara ka qenë duke lëvizur në vijat e bardha kur është goditur nga mjeti, ndërsa është dërguar menjëherë me urgjencë drejt spitalit rajonal të Korçës dhe ndodhet jashtë rrezikut për jetën.

Sakaq, në vendngjarje ndodhet policia për të sqaruar shkakun e aksidentit.