Autoritetet apel qytetarëve në Kiev të qëndrojnë në strehime të nëndheshme

Qytetarëve të Kievit iu është kërkuar që mbrëmjen e së martës të qëndrojnë në strehime të nëndheshme pas sulmit me raketë ku humbën jetën të paktën pesë persona.

“I bëjmë thirrje banorëve të qytetit që sonte të qëndrojnë në strehimet e nëndheshme. Shtetrrethimi në Kiev do të zgjasë nga ora 8 e mbrëmjes deri në 7 të mëngjesit”, thuhej në një letër publikuar në faqen zyrtare të Bashkisë Kiev.

Autoritetet kanë ngritur pika kontrolli në të gjitha hyrjet e Kievit, për shkak të një sulmi të mundshëm nga Moska.

Të martën, Rusia goditi me dy raketa antenën e transmetimit. Pesë kalimtarë humbën jetën dhe pesë u plagosën.

Më herët, Ministria e Mbrojtjes e Rusisë paralajmëroi banorët e Kievit se po përgatiste ‘sulme të precizionit të lartë’ kundër “qendrave teknologjike të Shërbimit të Sigurisë të Ukrainës dhe qendrës së 72-të kryesore PsyOps në Kiev”.

“Ne u bëjmë thirrje qytetarëve ukrainas të cilët po përdoren nga nacionalistët për të kryer provokime kundër Rusisë, si dhe banorët e Kievit që banojnë pranë stacioneve të transmetimit të largohen nga shtëpia e tyre”, thuhej në deklaratë.

LEXONI GJITHASHTU:

• Përditësime LIVE 1 mars: 5 viktima nga sulmi në antenën e Kievit
• Të paktën 5 viktima nga sulmi me raketa në antenën televizive të Kievit