Autoritetet Palestineze: Më shumë se gjysma e shtëpive në Gaza janë shkatërruar

Ministria e Shëndetësisë e Autoritetit Palestinez, me seli në Bregun Perëndimor, ka nxjerrë shifra të reja mbi ndikimin e luftës në Gaza. Aty thuhet se më shumë se 50% e banesave të Gazës janë shkatërruar.

“Gati 70% e popullsisë së saj janë të zhvendosur. 16 nga 35 spitale që mund të marrin pacientë të shtruar kanë pushuar së funksionuari. 42 ndërtesa të UNRWA-së janë dëmtuar. Të paktën shtatë kisha dhe 55 xhami janë dëmtuar”, raportojnë autoritet palestineze.

Nga ana tjetër Izraeli akuzon Hamasin për vendosjen e infrastrukturës në tunele nën zonat civile.

Sipas BBC, Izraeli thotë se ka goditur më shumë se 11,000 objektiva që u përkasin organizatave terrorist në Gaza dhe hodhi më shumë se 10,000 municione vetëm mbi qytetin e Gazës që nga 7 tetori, kur filloi fushatën e saj hakmarrse për sulmet vdekjeprurëse të Hamasit.

LEXONI GJITHASHTU:

• Jordania akuzon Izraelin për krime lufte
• Katar: Sulmet ajrore izraelite në Gaza ndërlikojnë përpjekjet për lirimin e pengjeve