Avionët amerikanë që po ‘frikësojnë’ Rusinë, eksperti zbulon fuqinë e tyre

Ministri i Jashtëm rus Sergei Lavrov ka paralajmëruar vendet perëndimore se po “luajnë me zjarrin” duke furnizuar Ukrainn avionë luftarakë F-16 të prodhuar nga SHBA-ja.

Dritan Goxhaj, eksperti i Aviacionit Civil, ish-ushtarak tha në një intervistë për Euronews Albania se avionët F-16 nuk janë shqetësues për Moskën dhe as të rëndësishëm për Ukrainën dhe e gjitha është një propagandë politike e Uashingtonit dhe Kievit.

Eksperti tregoi se këta avionë, që i përkasin gjeneratës së katërt, nuk mund të arrijnë nivelin e avionëve të gjeneratës së pestë që po përdor aktualisht Rusia, ndaj nuk do të kenë as një ndikim rrënjësor në fatin e luftës.

“Janë avionë që prodhohen në Amerikë. Ai që do marrin në Ukrainë i përket gjeneratës së katërt, kapaciteti i fluturimit është i vogël, në vijë ajrore deri në 600 km. Pra nuk mund të përdoren për sulme në rusi. Do përqendrohen vetëm për mbrojtjen e Kievit. Avionët e gjeneratës së katërt që përdor  Ukraina nuk përballen sot me avionë të gjeneratës së pestë që ka Rusia ndaj thuhet që këta avionë nuk do ndikojnë në fatin e luftës. Nuk është avion fronti”, shpjegoi eksperti.

LEXONI GJITHASHTU:

• Biden: Erdogan dëshiron të blejë avionë luftarakë F-16 nga SHBA 
• Furnizimi i Ukrainës me avionë F-16, kërcënon Lavrov: Perëndimi po luan me zjarrin