Avokatët e Berishës braktisin gjyqin, Gjokutaj zbardh përplasjen në sallë

Avokati Genc Gjokutauj doli në një deklaratë për mediat ku shpjegoi se përse ai dhe avokati tjetër i ish-kryeministrit  Berisha, vendosën të braktisin seancën.

Sipas tij, gjykata shkeli kushtetutën dhe ligjin. Sipast  tij në kundërshtim me ligjin GJKKO nuk e pranoi kërkesën e tyre për dërgimin në gjykatën kushtetuese të çështjes.

“Sot kemi bërë kërkesë të hapet procesverbali audio dhe procesverbalin gjyqësor si pjesë e provave. Po kështu kemi kërkuar që gjykata të vendosë të na japë një kopje të akteve në mënyrë elektronike ose të shkruar, gjë të cilën gjykata pretendon se e ka vendosur dje, por megjithatë pa u njohur me aktet merr vendim të vazhdojë seancën.

Kemi kërkuar që gjykata të marrë iniciativë e t’i dërgojë Gjykatës Kushtetuese për interpretim çështjen e kufizimit apo heqjes së lirisë që interpreton dhe akuza që justifikon, mosdërgimin e kërkesës së caktimit të masës së sigurimit për masat që janë marrë. Gjykata duke qenë në dijeni të kërkesës për përjashtim, ku despozita nuk e lejon as të japë e as të marrë vendim, mori vendim duke e rrëzuar këtë kërkesë tonën, ndaj ne u larguam nga gjykimi”,-tha avokati Gjokutaj.

LEXONI GJITHASHTU:

• Berisha nuk paraqitet në GJKKO, dërgon avokatët/ Ç’pritet të ndodhë në seancë
• Ministria serbe e Mbrojtjes kërkon që vetëm KFOR-i të ruajë kufirin e Kosovës