Avokati: Berisha rrezikon masë më të rëndë sigurie nëse nuk shkon në gjykatë

Avokati Arbër Hoxha tha në një intervistë për Euronews Albania se Sali Berisha rrezikon një masë më të rëndë dënimi nëse refuzon të paraqitet në GJKKO.

Hoxha sqaroi se në kushtet kur ai është deputet i kuvendit dhe ka imunitet, nuk ka gjasa që të shoqërohet me forcë, por prokurorët mund të kërkojnë një masë shtrënguese më të fortë siç është ajo e arrestit shtëpiak.

“Në këtë rast është për të keqen e tij nëse nuk shkon vullnetarisht në ambientet e gjykatës. Prokurorët e çështjes mund t’i drejtohen kuvendit për ndryshimin e masës së sigurimit që më pas do të jetë më e rëndë. Druaj se kjo gjë do të ndodhë, pra kushdo që e ka këshilluar Berishën, e ka këshilluar gabim. Mund të merret masë më e fortë shtrënguese, që është ajo e arrestit të shtëpisë”, sqaroi avokati.

LEXONI GJITHASHTU:

• Berisha refuzon marrjen në pyetje në GJKKO: Do repsektoj Kushtetutën e vendit
• Për çfarë akuzohet sot Sali Berisha? Këlliçi: Po krijohet precedent i rrezikshëm