Avokati flet pas takimit me Ilir Metën në paraburgim: Zero prova! Izolim politik

Avokati Genc Gjokutaj ka vizituar këtë të martë ish-presidentin Ilir Meta i cili prej ditës së djeshme ndodhet në ambientet e paraburgimit te Mine Peza.

Pas takimit me të Gjokutaj tha për mediat se vendimi për arrestimin e Metës është bërë pa prova, ndërsa izolimi i tij është një sulm politik si pasojë e denoncimeve kundër korrupsionit që ai ka bërë.

“Ky ishte një takim rutinë me zotin Meta. Pas leximit të vendimit, nuk flitet për asnjë provë. Izolimi i tij është politik.

Zoti Meta është pjesë e opozitës e cila sot është në një sulm të padrejtë, jo juridik, por politik nëpërmjet instrumenteve të agjensive ligjzbatuese dhe të drejtësisë.

Zero prova, shkaku i izolimit të zotit Meta është çështja e sovranitetit dhe denoncimet për korrupsionin e kësaj qeverie që është sot në pushtet. Deri më tani nuk ka informacion se kur do mbahet seanca e radhës”,-tha avokati.

LEXONI GJITHASHTU:

• “Për CEZ-DIA më informoi Endri Fuga”, Kryemadhi zbulon betejën për dosjen e bujshme
• “Ecëm për dore me Metën 33 vite”, Kryemadhi: Ja kush e shkatërroi familjen time