“Ecëm për dore me Metën 33 vite”, Kryemadhi: Ja kush e shkatërroi familjen time

Deputetja Monika Kryemadhi dha një prononcim për mediat pas arrestimit të ish-bashkëshortit të saj, Ilir Meta.

Ajo njoftoi se komunikimi mes tyre ka qenë i papërfillshëm për shtatë muaj, me përjashtim të momentit kur u paraqit çështja e divorcit.

Kryemadhi e cilësoi arrestimin e Metës si një masë që synon të thellojë konfliktin e tyre familjar.

Ajo shprehu se dyshimet që kanë lidhje me të, janë përpjekje për t’ia kaluar atij.

Në fjalën e saj, Kryemadhi theksoi se konflikti i tyre nuk është thjesht një ngjarje personale, por ndikon në të dy ata, të cilët kanë kaluar 33 vjet së bashku.

Ajo e lidhi  situatën me përpjekjet e saj për të luftuar korrupsionin, duke përmendur çështjen e inceneratorit të Tiranës si një faktor që ka kontribuar në krizën e familjes së saj.

“Komunikimi im me Ilir Metën është prej 7 muajsh zero, me përjashtim të ditës kur erdhi çështja e divorcit më erdhi në shtëpi. Nuk kam më komunikm me të. Sigurisht në këtë çështje do punojmë të ndarë. Unë di të them që masa e arrestit për Ilir Metën është një masë arresti që tenton për të zhvilluar më tej konfliktin tonë familjar. Gjërat që ata dyshojnë tek unë duan t’ja vendosin Ilir Metës. Unë nuk do e takoj në burgh. Po edhe sikur të dua unë, nuk pranon ai. Arrestimi më të madh se arrestimi shpirtëror nuk ka. Nuk i uroj askujt konfliktin tim familjar, nuk është konflikt id y njerëzve që janë njohur me shkuesi, apo për interes. Kanë qenë dy të cilët janë dashur shumë me njëri-tjetrin. Kemi ecur për dore për 33 vjet dhe dëshira ime për të luftuar inceneratorin e tiranës, çoi në pagimin e një fature shumë të madhe që çoi në peishjen e familjes time” –tha Kryemadhi.

LEXONI GJITHASHTU:

• Kryemadhi flet për operacionet: I kam paguar të gjitha unë! Meta s’e di sa kushtuan
• “Jam indinjuar nga SPAK”, Kryemadhi: Familjarët e mi u kërcënuan, u rrëmbyen…