Avokati i kryebashkiakut të zgjedhur të Himarës, Fredi Belerit, ka deklaruar se procesi gjyqësor ndaj tij është i paligjshëm dhe i montuar politikisht.

Komentet Geni Gjyzari i bëri pas përfundimit të seancës gjyqësore në GJKKO për Belerin, ku u vendos shtyrja për në datën 5 mars për marrjen e vendimit, pasi SPAK ka kërkuar 2.6 vite burg për të, me akuzën për blerje votash.

Avokati tha gjithashtu se qëllimi i qeverisë është që të marrë Bashkinë e Himarës dhe për këtë arsye sipas tij, kërkojnë dënimin me çdo kusht të Belerit.

“Cituam udhëzimin përkatës në bazë të të cilit është paguar në mënyrë të paligjshme. Ai 4 ditë prej datës 8-12 nuk ka qenë në Vlorë. Kjo dëshmon se pasi është arrestuar Beleri, kanë nisur të rregullojnë të gjitha letrat. Ne pengoheshim për të mbrojtur Belerin.

Prokuroria nuk ka jepte as provat më elementare. Nxirrte dëshmitarë. Nuk ka një foto që të takohet Beleri me të. Ne nuk mund të sjellim prova për pafajësinë, ata duhet të sjellin prova për akuzën.

Jo vetëm një proces i paligjshëm dhe i montuar, jo vetëm standarte të dyfishta ndaj standarteve të të tjerëve që hetohen dhe gjykohen në Shqipëri, por edhe provat, sidomos me tabulatet telefonike. Kishte përdorur Prokuroria vetëm dy telefonata nga telefoni i Arsenit që i interesonin atyre. Qëllimi është marrja e Bashkisë së Himarës, duan ta dënojnë me çdo kusht Belerin”, tha avokati i Belerit.

LEXONI GJITHASHTU:

• Shtyhet vendimi për Belerin, SPAK ka kërkuar dënimin me 2.6 vite burg
• Kërkon lirinë, Gjykata Kushtetuese cakton datën e seancës për Belerin