Avokati i Popullit, 2 vite pa mandat! 84 votat në Parlament mbajnë peng emrin e ri

Edhe pse kanë kaluar 2 vite nga përfundimi i mandatit, avokati i ri i popullit ende nuk është zgjedhur në Parlament. Shkak për këtë është bërë mungesa e konsensusit politik mes palëve.

84 votat e nevojshme kanë mbajtur peng zgjedhjen e avokatit të ri të popullit edhe pse kanë kaluar 2 vite nga përfundimi i mandatit të Erinda Ballancës.

Dy grupet më të mëdha parlamentare janë ende larg gjetjes së një konsensusi që do të dërgonte në Parlament emrat për t’u votuar për postin e një prej institucioneve më të rëndësishme për të drejtat e njeriut.

Pas rikthimit në muaj mars të normalitetit në Kuvend, mes socialistëve dhe demokratëve nuk ka pasur diskutime për votimin e emrit të ri të Avokatit të Popullit, e për këtë gjasat që të ndodhë këtë sesion politik që mbyllet në korrik janë të pakta.

Pas rrëzimit në seancë plenare të emrit të Ledio Brahos në dhjetor të 2022-shit, procesi nisi sërish dhe aktualisht në kuvend qëndrojnë emrat 7 kandidatëve të cilët kanë siguruar mbështetjen e 28 deputetëve të Kuvendit.

Emra të cilët pritet të kalojnë në seancë plenare për t’u votuar e nëse nuk ndodh atëherë procesi duhet të nisë nga fillimi për herë të tretë.

LEXONI GJITHASHTU:

• Protesta/Avokati i Popullit: 11 të shoqëruar në polici, 1 prej tyre është dhunuar
• Skandali i mjekut, Avokati i Popullit kërkon ndryshime ligjore në Kodin e Familjes