Avokati: Në azile përzgjidhen të moshuarit me pension më të lartë

Avokati Genti Serani tha për “Barometri” në Euronews Albania se në azile përzgjidhen  ata të moshuar që kanë pension të lartë.

Rrjedhimisht një i moshuar që nuk ka mundësi financiare nuk shkon dot as në një shtëpi pleqsh, siç tregoi avokati.

“Është shumë e vështirë që një i moshuar të shkojë në këto qendra, e para për shkak të kapacitetit dhe e dyta sepse përzgjidhen ata të moshuar që kanë një pension më të lartë sesa dikush tjetër,” – u shpreh Serani.

Për 63.7% të shqiptarëve pensionistët janë të varur nga fëmijët e tyre. Të pyetur nga Barometri në Euronews Albania, 13.7% e shqiptarëve mendojnë të kundërtën; që pensionistët nuk janë të varur nga fëmijët dhe 22.6% janë neutralë.

LEXONI GJITHASHTU:

• Thirrja e drejtorit të ISSH: Mos mendoni për pensionin kur të shkoni 65 vjeç
• Pensionistët në Shqipëri| Të rëndësishëm, por të pa respektuar