Baba Mondi uron Sulltan Novruzin: Mundni egon dhe urrejtjen, ‘mbillni’ paqe në zemër

Kryegjyshi botëror i bektashinjve, Edmond Brahimi (Baba Mondi), ka uruar besimtarët për festimet e ditës së Sulltan Novruzit.

Gjatë fjalës së tij në festimet e ditës së Sulltan Novruzit, ai i ka porositur besimtarët që të mbjellin në shpirtin e tyre paqe e dashuri dhe të mundin egon dhe urrejtjen.

“Uroj që Sulltan Novruzi të sjellë për ju mbarësi dhe bekime nga Zoti. Bekime për të gjithë ju dhe familjet tuaja. Në këtë ditë të veçantë uroj ta doni më shumë njëri tjetrin, të bëni mirë e të përparoni duke pasur dashamirësi në zemrat tuaja. Secili duhet të njohë vetën, të mundë egon dhe urrejtjen e të mbjellë paqe”, tha ai.

Kujtojmë se Sulltan Novruzi është një festë që kremtohet nga mijëra shqiptarë, të cilët shkojnë në Teqe të ndryshme dhe bëjnë kurban, për nder të Imam Aliut, të cilit edhe i atribuohet kjo ditë.

LEXONI GJITHASHTU:

• Sot Sulltan Novruzi| Besimtarët bektashi vijnë 3 herë anës Teqesë së Cakranit
• Sot besimtarët festojnë Sulltan Novruzin, urimi i Baba Mondit