Babaramo ironizon Gjiknurin: Zgjedhjet nga festë i kthyet në tërmet

Sekretari i përgjithshëm i Partisë Socialiste, Damian Gjiknuri tha se në të gjitha rastet PS i ka fituar zgjedhjet për shkak të mbështetjes më të madhe popullore se forcat e tjera politike.

Në emisionin Now në Euronews Albania, Gjiknuri e cilësoi humbjen e PS në zgjedhjet e 2009 proces normal politik, ku PD arriti t’i fitonte zgjedhjet pasi u fut në një koalicion të gjerë me LSI, ndërsa PS vendosi të shkëputej nga LSI.

Gazetari Ilir Babaramo ironizoi zyrtarin e PS duke i kujtuar tërmetin e zgjedhjeve lokale të 2015 në Dibër ku PS u akuzua për vjedhje votash.

“Zgjedhjet nga viti ‘91-‘96 ishin festë, ndërsa këto nga ‘96 e këtej i kthyet në tërmet z. Gjiknuri”, tha Babaramo duke ironizuar shprehjen e famshme të Gjiknurit të dalë nga përgjimet e dosjes për zgjedhjet lokale të 2015 në Dibër.

“Është alegori e suksesit elektoral të përdorur nga të gjitha palët politike, së fundmi edhe Berisha”, u përgjigj Gjiknuri.

LEXONI GJITHASHTU:

• Gjiknuri flet për mediat në Shqipëri që po paguhen nga Rusia
• Bushati: Të dalim nga Open Balkan, qeveria mbron aksin Moskë-Beograd