Baçi: Të gjithë kandidatët ndihmojnë Veliajn. Çfarë do që kandidon Përnaska?

Deputeti i Partisë Demokratike, Luan Baçi tha në një intervistë për Euronews Albania se çdo kandidat që del kundër kandidatëve të dalë nga primaret e PD, çon vota te Erion Veliaj.

Sipas tij, nëse Rama dhe Veliaj do ishin kaq të sigurt te fitorja, nuk do bënin këto përpjekje për të përçarë votat e opozitës.

“Pse del zonja Përnaska aty? Del të bëhet kryetare bashkie? Është zonjë e nderuar; të rrijë si zonjë dhe qytetare. Është e ndërgjegjshme që i ka shanset 0 për të marrë vota, por e bën për të ndihmuar dikë tjetër. Veprimi i saj është për të ndihmuar Veliajn. Dhe Bejko nuk është futur në garë për të fituar bashkinë, se e di që do marrë aq pak vota sa do pendohet. Çdo kandidat që del kundër kandidatëve të dalë nga primaret e PD ndihmojnë Veliajn”, tha Baçi.

LEXONI GJITHASHTU:

• Baçi: Alibeaj i ka dyert e hapura në selinë blu, ka dhe rrobat në zyrë
• Luan Baçi zbulon deputetin afër Alibeajt që mbështet kandidatin e primareve