Policia e Tiranës ka ndërmarrë një operacion kundër paligjshmërisë me lojrat e fatit. Gjatë kontrolleve në disa ambiente në zona të ndryshme të Tiranës janë arrestuar 4 persona që merreshin me organizimin dhe venien e basteve online.
Raportohet se të arrestuarit janë: Emiljano Amedani, Erald Tafani, Kastriot Bramellari dhe Xhenjus Çuedari të cilët u ndaluan në ambinete (lokale) të përshtatura për vendosjen e basteve sportive online.
Njoftimi i Policisë
Finalizohet nga Sektori për Hetimin e Krimeve Kibernetike, në bashkëpunim me Sektorin për Hetimin e Krimit Ekonomik dhe Financiar, Forcën e Posaçme Operacionale dhe Forcën e Posaçme “Shqiponja”, operacioni policor i koduar “Bad spin 3”.
Gjatë këtij operacioni, bazuar në inteligjencën policore, janë identifikuar subjekte dhe shtetas që kryejnë aktivitetin e paligjshëm të organizimit dhe përshtatjes së ambjenteve për organizimin e lotarive të palejuara (baste sportive online), në zona të ndryshme të Tiranës.
Gjatë kontrolleve të ushtruara në këto subjekte, është bërë kapja dhe arrestimi në flagrancë i 4 shtetasve të implikuar në këtë veprimtari kriminale:
E. A., 43 vjeç, E. T., 34 vjeç, K. B., 47 vjeç, dhe Xh. Ç., 19 vjeç, të gjithë banues në Tiranë.
Aparate celulare të këtyre shtetasve u sekuestruan në cilësinë e provës materiale.
Materialet i kaluan prokurorisë.
LEXONI GJITHASHTU:
- Aksion kundër basteve online, 6 të arrestuar në Tiranë
- Kontrabandë, baste dhe trafik emigrantësh, arrestohen dy policë dhe një doganier
