Presidenti i SHBA, Xhou Bajden është shprehur i gatshëm për të vizituar Ukrainën.
Bajden foli të enjten për gazetarët para se të udhëtonte me Air Force One për në Karolinën e Veriut.
Presidenti amerikan ka sinjalizuar se administrata e tij është në process për të vendosur se kur një zyrtar i lartë i SHBA do të vizitojë Kievin.
Reporter: “Will you send senior officials to Ukraine?”
Biden: “We’re making that decision now.”
Reporter: “Who would you send?”
Biden: “Are you ready to go?”
Reporter: “Are you?”
Biden: “Yeah.” pic.twitter.com/JZovnGXZ58— The Recount (@therecount) April 14, 2022
“The Guardian” raporton se nga bisedimet në Uashington pritet që vizita të kryhet nga sekretari i DASH, Antoni Blinken ose sekretari i Mbrojtjes, Llojd Austin.
Kur Bajden vizitoi Poloninë muajin e kaluar, ai dha të gjitha shenjat se dëshironte të vizitonte Ukrainë por një gjë e tillë nuk ndodhi për shkak se ishte shumë e rrezikshme.
Kjo ndodhi para se forcat ruse të tërhiqeshin nga Kievi.
Që pas kësaj, një numër liderësh evropian kanë vizituar presidentin e Ukrainës, Volodimir Zelenski.
Javën e kaluar, Kievin e vizitoi kryeministri britanik, Boris Xhonson.
Blinken shkeli në tokën e Ukrainës në fillim të marsit kur vizitoi kufirin polak, por ishte vetëm një veprim simbolik solidariteti.