Balla: Anëtarësimi i Kosovës në KiE i shërben konsolidimit të demokracisë

Kryetari i Grupit Parlamentar të Partisë Socialiste Taulant Balla ka përshëndetur sesionin plenar të Asamblesë Parlamentare të Këshillit të Europës, ku delegacioni i Kosovës sot për herë të parë mban fjalë përkrah delegacioneve të tjera.

Përmes një postimi në rrjetet sociale, Balla shperehet se Asambleja Parlamentare ka vendosur që nga ky sesion e tutje, delegacioni nga Kuvendi i Kosovës të ketë vende të dedikuara në sallën e seancës plenare si dhe të drejtën e fjalës në çdo mbledhje komiteti apo plenare.

“Kosova ka paraqitur këtë vit kërkesë për anëtarësim në Këshillin e Evropës, pas kaq vitesh që mban statusin e pjesëmarrësit. Asambleja Parlamentare vendosi që nga ky sesion e tutje, delegacioni nga Kuvendi i Kosovës të ketë vende të dedikuara në sallën e seancës plenare si dhe të drejtën e fjalës në çdo mbledhje komiteti apo plenare.

Kosova do ta ketë dhe të drejtën e votës në Asamble sapo të përfundojë procesi i anëtarësimit, që do ketë sfidat e veta. Delegacioni i Kuvendit të Shqipërisë në Asamblenë Parlamentare mbështet dhe është në krah të Kosovës në rrugën e saj drejt anëtarësimit në KiE”, theksoi ai.

LEXONI GJITHASHTU

• Ish-ministri rumun: S’e njohim Kosovën, të braktisim dy ndeshjet në “EURO 2024”

• Vuçiç takon ambasadorin rus në Beograd, diskutojnë për Kosovën
• Kosovë-Serbi, ambasadori gjerman: Liderët të përgatiten për vendime të vështira