Balla: Hetimi për McGonigal është mbyllur, ka vetëm 1 të pandehur

Kreu i Grupit Parlamentar të Partisë Socialiste, Taulant Balla, deklaroi këtë të enjte se asnjë zyrtar nuk është i përfshirë në hetimin për çështjen e ish-zyrtarit të FBI-së, Charles McGonigal.

Në një deklaratë për media Balla tha se dosja është dërguar nga prokuroria amerikane në gjykatë me vetëm një të pandehur që është Charles McGonigal.

Ai shtoi se akuzat e opozitës bëhen me qëllim për largimin e vëmendjes nga 21 janari.

“Për këtë çështje unë kam mbajtur një fjalë sot në parlament ku kam sqaruar pozicionin tonë. As kryeminstri, as ndonjë ministër nuk është i përfshirë në këtë hetim. Ky hetim është mbyllur nga autoritetet amerikane dhe dosja ka shkuar në gjykatë me vetëm një të pandehur Charles McGonigal.

Kryeministri ka pritur një zyrtar të rëndësishëm siç është drejtori i FBI-së së Neë Yorkut dhe  kundërzbulimit, i cili I është prezantuar me kartën e pozicionit të tij.

Nuk është as kryemnistri, as ndonjë ministër i shtetit shqiptar pjesë e kësaj dosjeje. Ky zyrtar ka takuar edhe zyrtarë të tjerë në vende të tjera si Gjermani dhe Austri, por nuk ka ndodhur kjo që ka ndodhur këtu. Kjo është një përpjekje për të hequr vëmendjen ndaj 21 janarit’, tha Balla.

LEXO GJITHASHTU:

• “Nuk e njoh”- Berisha flet për Agron Nezën dhe thirrjen e Shkëlzenit në SPAK
• Balla: Hetimi për McGonigal është mbyllur, ka vetëm 1 të pandehur
• “Çfarë do kërkojmë nga SHBA”, Berisha: McGonigal, vrasës me pagesë i opozitës