Balla: Koha kur Berisha u vinte gjoba investitorëve të huaj ka mbaruar

Kryetari i Grupit Parlamentar të Partisë Socialiste Taulant Balla ka reaguar në rrjetet sociale pas deklaratave të opozitës ku kreu i PD-sw Sali Berisha, ka denoncuar marrëveshjen për Portin e Durrësit duke e quajtur atë një mega aferë korruptive.

Balla është shprehur se koha kur Berisha u vinte gjoba dhe u kërkonte përqindje investimeve të huaja në Shqipëri ka mbaruar.

“Sulmi i paskrupullt i Aleancës së Rublave dhe kujtdo tjetër që i mban ison Sali Berishës kundër projektit të Portit Turistik të Durrësit është një turp dhe një poshtërsi e madhe në dëm të interesit të Shqipërisë.

Koha kur Sali Berisha u vinte gjoba dhe u kërkonte përqindje investimeve të huaja në Shqipëri ka mbaruar njëherë e përgjithmonë”, shkruan Balla.

Gjithashtu Balla ka publikur edhe një video, ku sipas tij është historia e biznesmenit Zafar Ansarit, i cili në një intervistë të dhënë për një media kombëtare tregon se si Berishët i kërkuan 3% të investimit.

LEXONI GJITHASHTU: 

• Porti i Durrësit në Kushtetuese, PD: Megaaferë korruptive
• Dita e Armëpushimit, ceremoni në mbarë Evropën për fundin e Luftës I Botër