Balla me Grenell në Konferencën e Mynihut: Mirënjohje për mbështetjen ndaj Thaçit dhe krerëve të UÇK

Kryetari i grupit parlamentar të Partisë Socialiste, Taulant Balla ka ndarë në rrjetin social Facebook një foto nga takimi në konferencën e Mynihut me me Richard Grenell, të Dërguarin Special të Presidentit Donald Trump për Misionet Speciale të SHBA.

Balla shkruan se i ka shprehur mirënjohjen Grenellit për mbështetjen mbi pafajësinë e Presidentit Thaçi dhe drejtuesve të UÇK.

“Konferenca e Sigurisë Mynih. Drekë pune me Richard Grenell, të Dërguarin Special të Presidentit Donald Trump për Misionet Speciale të SHBA. Diskutuam mbi partneritetin e veçantë mes Shqipërisë dhe SHBA. Ftesa për Kryeministrin Rama në Bordin e Paqes të iniciuar nga Presidenti Trump e ka ngjitur Shqipërinë në nivelin më të lartë të vendimmarrjes, aty ku diskutohen politikat globale të paqes dhe garantimi i saj përmes sigurisë. Shqipëria shihet sot si aktor që kontribuon në zgjidhje globale, jo thjesht si pjesë periferike e tyre. Mirënjohje të Dërguarit Special Grenell për mbështetjen mbi pafajësinë e Presidentit Thaçi dhe drejtuesve të UÇK”, shkruan Balla në një postim në Facebook.