Balla nga Peshtani: Zjarrëvënia është vepër penale, do kërkojmë ndëshkim ekzemplar

Ministri i Brendshëm Taulant Balla ishte pasditen e sotme në Peshtan të Fierit për të parë nga afër situatën e krijuar nga zjarri që ka përfshirë kodrat me pisha të Peshtanit.

Prej dy ditësh forcat zjarrfikëse kanë vijuar punën për shuarjen e zjarrit, ndërsa sot i erdhi në ndihmë edhe një helikopter nga ajri.

Ministri Balla teksa pa nga afër situatën deklaroi se aktualisht përveç Fierit ka dhe një situatë të vështirë zjarri edhe në Vlorë.

“Po ndjekim situatën e vatrave të zjarrit në disa qarqe të Shqipërisë. Aktualisht përveç Fierit ku jam aktualisht, kemi një situatë të vështirë edhe në Vlorë. Në Fier kemi ndërhyrë gjatë ditës edhe nga ajri përmes helikopterit. Kemi ndaluar personin që dyshohet se ka shkaktuar zjarrin. Zjarrëvënia është vepër penale dhe do të kërkojmë ndëshkim ekzemplar për këdo”, tha Balla.

LEXONI GJITHASHTU:

• Vodhi disa banesa në Himarë, shpallet në kërkim 30-vjeçari
• Meloni: Kalimet e paligjshme të emigrantëve po dëmtojnë të gjitha shtetet e Mesdheut