Balla: Plazhet publike i takojnë popullit, jo abuzuesve

Ministri i Brendshëm, Taulant Balla dënoi zaptimin e plazheve publike duke kujtuar se vija bregdetare është pasuri kombëtare dhe i takon popullit e jo abuzuesve.

Ai përshëndeti aksionin e Policisë së Shtetit për lirimin e hapësirave publike.

“Pushtimi i plazheve apo hapësirave bregdetare publike nga individë që shkojnë e vendosin çadrat dhe ulëset e tyre, pa asnjë lloj lejeje dhe kontrate me shtetin, është një fenomen në zhdukje, por ajo që më habit është guximi i ndonjërit që mendon se nuk e shohim. Policia e Shtetit po bën detyrën ndaj vendit dhe pushuesve dhe do të garantojë “plazhe të lira” në të gjithë vijën tonë të bukur bregdetare. Kjo pasuri kombëtare i takon popullit dhe pushimet u takojnë njerëzve, jo abuzuesve të çdo kategorie,” – shkroi Balla në Facebook.

LEXONI GJITHASHTU:

• Balla takim me McDowell, flasin për bashkëpunimin me agjencitë ligjzbatuese të SHBA
• Korrupsioni i policëve, Balla: Çdo denoncim do të marrë vëmendje maksimale