Ministri i Brendshëm Taulant Balla tha se siguria në shkolla do të ndryshohet me ligj përmes ashpërsimit të dënimeve të parashikuara në Kodin Penal për veprat penale që kryhen në mjediset e një institucioni arsimor apo në perimetrin e sigurisë së tij.

Përmes një shkrese dërguar ministrit të Drejtësisë, Balla ka propozuar ndryshimin e 11 neneve të kodit penal në funksion të rritjes së sigurisë në shkolla.

“Kryerja e një vepre penale në mjediset e një institucioni arsimor ose në perimetrin e sigurisë së tij të parashikohet si rrethanë rënduese, nëse në dëm të një të mituri, dhe, në çdo rast, si rrethanë cilësuese e figurës së veprave penale të mëposhtme:

• Dhuna seksuale (neni 107/a);
• Pornografia (neni 117);
• Trafikimi i të miturve (neni 128/b);
• Mbajtja pa leje dhe prodhimi i armëve, armëve shpërthyese dhe i municionit (neni 278);
• Prodhimi, mbajtja, blerja apo shitja pa leje e armëve të ftohta (neni 279);
• Prodhimi dhe shitja e narkotikëve (neni 283);
• Përshtatja e lokalit për përdorim droge (neni 285/a);
• Hedhja ose braktisja e shiringave (neni 285/b);
• Nxitja për përdorimin e drogës (neni 286);
• Drejtimi i automjeteve në mënyrë të parregullt (neni 291)”, bëri me dije Balla.

LEXONI GJITHASHTU:

• Komunikuan në oborrin e Kuvendit, zbulohet çfarë i tha Taulant Balla- Bardhit
• Pezullimi i 8 efektivëve, reagon Balla: Pastrimi i Policisë së Shtetit do vijojë