Pezullimi i 8 efektivëve, reagon Balla: Pastrimi i Policisë së Shtetit do vijojë

Ministri i Brendshëm, Taulant Balla ka reaguar pas pezullimit të 5 efektivëve të Policisë së Shkodrës dhe 3 të Vlorës brenda 48 orëve të fundit.

Në një reagim në Facebook, Balla shprehet se forcimi i bashkëpunimit mes Policisë së Shtetit, Prokurorisë, SPAK, Shërbimit Informativ dhe lufta e përbashkët për spastrimin e vatrave të krimit përballë dhe brenda vetë organizatës së Policisë së Shtetit, do ta çojë Shqipërinë në një tjetër nivel të sundimit të ligjit.

“Vijon intensivisht goditja e grupeve kriminale, por edhe procesi i vetë-pastrimit të Policisë së Shtetit. Vetëm në 48 orët e fundit janë 8 punonjës policie të proceduar penalisht, për “mbyllje sysh” apo më keq akoma bashkëpunim me keqbërësit. Forcimi i bashkëpunimit mes Policisë së Shtetit, Prokurorisë, SPAK, Shërbimit Informativ dhe lufta e përbashkët për spastrimin e vatrave të krimit përballë dhe brenda vetë organizatës së Policisë së Shtetit, do ta çojë Shqipërinë në një tjetër nivel të sundimit të ligjit”, shprehet Balla.

LEXONI GJITHASHTU:

• EMRAT| Lejuan mbjelljen e kanabisit, pezullohen nga detyra 5 efektivë të Shkodrës
• Arrestimi i zyrtarit të lartë të policisë, Balla: Vetë-pastrimi është proces kyç