Ish-deputeti i PD-së, Klevis Balliu, i ftuar në emisionin “Now me Erla Mëhillin”, ka deklaruar se SHBA nuk është larguar nga Shqipëria, por sipas tij, janë larguar “Sorosianët”, të cilët ai i konsideron mbështetës të kryeministrit Edi Rama.
“Po dëgjojmë çdo ditë që thonë se amerikanët janë larguar. Kjo nuk është e vërtetë! Amerikanët nuk kanë ikur dhe nuk do ikin nga Shqipëria, por ata që janë larguar janë Sorosianët,” u shpreh Balliu.
Ai shtoi se personat që shpallën Sali Berishën “non grata” sipas tij sot janë janë “non grata” në vendin e tyre, SHBA.
“Siç po largohen Sorosianët nga Amerika, ashtu do të largohen edhe nga Shqipëria,” tha Balliu.
Në lidhje me reformën në drejtësi, ai ngriti pyetjen nëse Amerika vazhdon ta financojë atë, përse ajo tani po konsiderohet si një drejtësi antiamerikane.
“Trump është amerikan. Ju flisni për ‘non grata’, por ai që shpalli Berishën ‘non grata’ bshtë shpallur për vete ‘non grata’ nga administrata e re”, argumentoi Balliu.
Sipas tij, qëllimi i këtyre zhvillimeve ka qenë goditja e opozitës.
“Ata kishin një mision: të vrisnin opozitën. Arrestuan liderin e saj, Sali Berishën,” e përfundoi fjalën e tij Balliu.
LEXONI GJITHASHTU:
- Vangjeli: PD i quan të larta kërkesat e PL-së për vendet e sigurta
- Manjani: Rama duhet ta nxirrte Metën nga burgu, do t’i interesonte…
