Balliu: Harta e re gjyqësore rëndon avokatët dhe qytetarët

Gjatë debatit për hartën e re gjyqësore në emisionin NOW me Erla Mëhillin, avokatja Alesia Balliu tha se një diskolim i gjykatave në një të vetme do të rëndojë avokatët, por edhe qytetarët.

Kjo hartë kundërshtohet nga avokatët me argumentin se reduktimi gjykatave të nivelit të parë vetëm në 12 të tilla në gjithë vendin e largon qytetarin nga gjykata dhe krijon pasoja sociale.

“Nëse është një Gjykatë Apeli këtu të vijë nga Puka i duhen 5 orë, nëse e ka gjyqin në orën 9 i bie që të niset që në orën 4. Ngrihen edhe kostot e avokatit do të tarifohen sa avokatët e Tiranës sepse do të duhet që këto shpenzime t’i paguajë qytetari”, tha Balliu.

Ajo tha se problematika kryesore që ajo sheh në hartën e re gjyqësore, është distanca dhe largësia.

“Është aksesi në gjykatë, kostot që janë për t’u përballuar nga klienti të avokatit. Shumë zyra avokatie duhet mbyllur që janë pranë gjykatave si për shembull marrim rastin e Pogradecit të cilët para pak ditësh e kanë shtruar si problematikë me grupin e interesit që të transferohet në një gjykatë të vetme siç propozohet në qytetin e Korçës. Nuk jam dakord me këtë nismë”, tha ajo.

LEXONI GJITHASHTU:

• Qoku: Vetingu nxori 35% të trupës gjyqësore jashtë sistemit